nasin musi li toki e ni: “taso ken la jan musi li kepeken ala nimi pi lipu ona”
seme la mi o ni ala lon tenpo ale? mi toki e nimi mi la, ijo tu wan li ken kama:
- jan li toki lon la, mi kama jo e lipu sin tu, li weka e lipu tu (tan ni: mi weka e nimi lon. ale la mi weka e lipu wan.)
- jan li toki pi lon la, ona li kama jo e lipu tu, mi weka e lipu wan
- jan li toki ala la, mi weka e lipu wan
ni la ken tu li pona tawa mi, taso ken wan la ale li awen sama.
taso mi kepeken ala nimi mi la, ijo tu li ken kama:
- jan li toki la, ni li ken ala lon. la ona li kama jo e lipu tu, mi weka e lipu wan
- jan li toki ala la, mi weka e lipu wan
ni la ken ale li pona tawa mi anu seme?
taso, mi pilin e ni ale tan ni: nasin li toki e ni: “jan ale li wile weka e lipu ona” ni kin li nasa, tan ni, nasin ante li toki e ni: “jan toki li jo ala e lipu tu anu lipu mute la jan toki o kama jo e lipu nimi tawa jo pi lipu tu” ni la mi o weka e lipu mi tan seme? mi weka e lipu la, ni li pana ala e pona tawa mi. tan ni: mi o kama jo e lipu sin
mi ken ala kepeken ala e nimi la, toki lon li ike tawa mi la, weka lipu li pona la, nasin li ken pona tawa mi. taso, mi sona ala a e ni: seme la mi ken wile e ijo lon musi ni? ale li pona ala li ike ala.
- jan Netakin