mi lukin e ni lon ma pona pi toki pona! mi lukin la pilin mi li toki “seme a? ‘musi tawa’? ona li pakala anu seme li toki ala toki e ‘tawa musi’?” mi musi la mi sona e nimi sina! pona en musi a!
utala pi “kasi li suli pona a” li wile e pali mute tan mi tawa pona ona! mi awen lon utala ni. ike ):
taso, sina pali e musi pona!
nimi 'tawa musi' li pona kin! taso, mi nimi e musi ni tan ni: kalama pi nimi 'musi tawa' li pona tawa mi. kin la tenpo lili la mi kama sona e toki pona :)
tenpo ni la sina ken ala ken pona e utala ale? sina ken ala la sina ken lukin e sitelen tawa pi pona ale: "all puzzle solutions for musi tawa"
pona tawa sina!
mi lukin e sitelen sina la utala mi pi “kasi li suli pona a” li pini! utala ike li pini!!! mi pilin anpa, mi pilin pona, mi pilin musi!
ni la, mi pini e utala pi “telo li tawa kasi” lon tenpo lili a a a! utala ni li wile ala pali mute li sama ala utala ike aaaa.
(sina pini ala e utala ale la o lukin ala!)
utala ike la utala ale li wile ala pali mute sama utala pi “telo li tawa kasi”–– SEME A. mi lukin e utala pini. anpa en kon li mute ike???? AAAAAAA. mi alasa pona e ni… mi ken ala la mi lukin sin e sitelen sina.
MI KEN TAWA E KON????
mi ken ala pona e utala pini. mi lukin e sitelen… musi a! mi wile lape.
mi sitelen e nimi mute a la ni li ken wile e pali mute tan lukin sina aaaa. mi toki sin e ni: sina pali e musi pona!
