طفرة جام 2021

النتائج

1st Place

 Astro: A Race Against Time

2nd Place

Plantfection

3rd Place

Green and Red

---------

!أهلًا بيكوا في أول جيم جام ينشرها ستوديو طفرة جيمز! لو عايز تعرف أكتر عن طفرة جيمز أدخل سيرفرنا على ديسكورد

عبارة عن ايه؟

المشاركين في المسابقة هيكون مطلوب منهم يعملوا لعبة خلال 3 أيام, واللعبة لازم تكون معمولة بناءًا على موضوع هيتم الأعلان عنه في أول دقيقة من التلات أيام دول, وفي النهاية فريق طفرة جيمز هيقيم الألعاب المشاركة لإختيار أفضل 3 ألعاب

الجوايز

المركز الأول: 10,000 جنيه مصري

المركز التاني: 7,000 جنيه مصري

المركز التالت: 3,000 جنيه مصري

مين يقدر يشارك؟

.أي إنسان في مصر

!النسخة دي من الجام موجهة للمصريين, إنتظروا النسخ الجية عشان تغطي مساحة أكبر

أشارك إزاي؟

.دوس على زرار المشاركة في الصفحة دي من فوق, واتأكد إنك تدخل على سيرفر ديسكورد الخاص بينا عشان هيتنشر عليه كل حاجة تخص المسابقة

إمتى؟

هيتم إعلان الموضوع في سيرفرنا على ديسكورد  في أول دقيقة من يوم 15 يوليو (الخميس) - الساعة 12 منتصف الليل. وهتنتهي فترة تسليم الألعاب في آخر دقيقة من يوم 17 يوليو (السبت) - الساعة 11 و59 دقيقة قبل منتصف الليل

الشروط

.شروط المشاركة ومعلومات إضافية هتكون متاحة على سيرفرنا على ديسكورد

خليكوا فاكرين إن الهدف الأساسي من الجيم جامز هو جمع الناس مع بعض عشان يعملوا الحاجة اللي كلنا بنحبها. ألعاب! مع لمسة تنافس صغيرة عشان الحماس يزيد, لكن في النهاية كلنا هنحاول نقدم لبعض بيئة ودودة وبناءة, لإن مجرد مشاركتك في المسابقة وقدرتك إنك تعمل لعبة في وقت قصير زي ده هي الجايزة الأعظم