INSCRICIÓNS PECHADAS

*78 Inscrit@s!

Benvid@s á BrinQo Quantum Jam, unha game jam sobre computación cuántica! O obxectivo deste evento é que vos adentredes no mundo das tecnoloxías cuánticas a través da creación dun videoxogo. Importante: NON é preciso contar con coñecementos previos en computación cuántica, nin con experiencia no deseño de videoxogos.

Haberá premios para os mellores xogos e obsequios para todos os participantes que acudan presencialmente. Non deixedes pasar a oportunidade e apuntádevos!

LIGAZÓN Á CANLE DE DISCORD:Servidor de Discord da BrinQo

Ligazón á páxina do Cesga: BrinQo - Quantum Computing Game Jam

Axenda

Venres 6 de febreiro. Xornada de apertura PRESENCIAL nos campus universitarios de Santiago de Compostela, A Coruña e Ourense da USC, UDC e UVigo, respectivamente. En cada sede, a celebración presencial só terá lugar se se conta cun mínimo de 8 participantes. Haberá un máximo de 28 prazas por sede e a selección farase por orde de rexistro. En caso de non poder asistir presencialmente, poderá seguirse o evento de maneira telemática.

• Sesión de mañá - de 9:30h a 14:00h.
  • 9:30-10:00h: Recepción das persoas participantes e presentación do evento.
    
  • 10:00-10:40h: Presentación de Lois Orosa (Cesga) + "Qmio: o ordenador cuántico do Cesga", Mariamo Mussa Juane (Cesga).
  • 10:40-11:15h: Presentación de Evert van Nieuwenburg (Leiden University).
  • 11:15-12:00h: Pausa café.
  • 12:00-13:00h: "Mundo cuántico", Javier Mas (Igfae-USC).
  • 13:00-14:00h: "Casos de uso de tecnoloxías de inspiración cuántica en problemas de optimización combinatoria", Raquel Alfonso (Fsas Technologies – Fujitsu).
• Xantar - de 14:00h a 15:00h.
• Sesión de tarde - de 15:00h a 20:00h. 
  • 15:00h-16:00h: "Do concepto ao xogo: claves de deseño e traballo en equipo nunha game jam”, María Luz Castro (UDC).
  • Formación dos grupos e posta en marcha dos proxectos.

A partir do venres 6 poderedes desenvolver os vosos xogos e teredes ata o 13 de febreiro para entregalos. Habilitarase unha canle de Discord coa que poder comunicar problemas ou dúbidas que poidan xurdir ao longo do desenvolvemento das propostas.

Condicións e requisitos

• Permítese a participación de toda persoa maior de 18 anos.
• Os equipos estarán formados por un máximo de 4 persoas.
• Os xogos deberán relacionarse coa computación cuántica a través dalgunha das seguintes formas para poder ser valorados:
  • O deseño gráfico ou a estética do xogo fan referencia a elementos do ámbito da computación cuántica.
  • As regras ou a dinámica do xogo imitan ou inspíranse en comportamentos cuánticos, isto é, en fenómenos como o entrelazamento ou a superposición.
  • O videoxogo emprega un computador ou emulador cuántico, como por exemplo para definir variables internas con aleatoriedade cuántica ou para executar algunha acción do xogo.
• Os proxectos presentados deberán subirse a esta plataforma a través do apartado “Submissions” e deberán poder descargarse dende esta aplicación (poderán ser para Windows ou web). Ademais, deberán ir acompañados dun texto no que se explique a relación do mesmo coa temática da jam.
• Limítase a un terzo a proporción de material de creación non propia incluído no proxecto. Deberá indicarse cal é este material.
• O período de entrega dos xogos á plataforma abrirase o venres 6 de febreiro e pecharase o venres 13 de febreiro ás 23:59h.
• A avaliación dos xogos levarana a cabo profesionais do ámbito das tecnoloxías cuánticas e do mundo do videoxogo. Os premios poderán declararse desertos e a decisión do xurado é inapelable.
• A entrega dos premios está prevista para o xoves 26 de febreiro nas instalacións do CESGA. En caso de non poder asistir, as persoas participantes poderán recollelo posteriormente no CESGA.
• A propiedade intelectual do contido creado en cada xogo será propiedade dos participantes do equipo.

Código de conduta

• As persoas participantes comprométense a respectar as condicións e requisitos expostos anteriormente.
• As persoas participantes comprométense a respectar as normas de convivencia tanto nos encontros presenciais como nos foros de comunicación habilitados.
• As persoas participantes comprométense á realización de xogos coa fin de fomentar a súa creatividade, respectando o dereito de autoría e reprodución de todas as compoñentes activas empregadas para a realización dos xogos.
• En ningún foro de comunicación nin nos xogos se tolerará ningún comportamento inapropiado, como poden ser a incitación á violencia, ou que resulte irrespectuoso ou discriminatorio.

Materiais e recursos

• Exemplos de Quantum Games:
  • Vídeo de Sabine Hossenfelder presentando algúns exemplos de xogos cuánticos: https://www.youtube.com/watch?v=rdC4QPoAEaA
  • Explicación de conceptos cuánticos a través de xogos: https://qplaylearn.com/
  • Un evento semellante: Global Quantum Game Jam

• Nov@ neste mundo?
  • Como subir un xogo a itch.io: Guía en 4 pasos
• Plataformas para creación de videoxogos :
  • Sen código.
    • GB Studio: motor de xogos para Game Boy (permite gardar como HTML), gratuito e visual.
    • GDevelop: motor de xogos 2D e 3D, gratuíto e de código aberto. Ademais de ser moi intuitivo e visual, permite incluír código en JavaScript.
    • Construct 3: motor de xogos 2D e 3D, intuitivo, gratuíto (aínda que con funcións limitadas) e que funciona directamente no navegador. Permite incluír código en JavaScript.
    • GameMaker: motor 2D, gratuíto (aínda que con funcións limitadas) e intuitivo. Admite unha linguaxe de scripting propia chamada Game Maker Language (GML).
    • Bitsy: motor para facer pequenos xogos tipo walking simulator en 8bits.
    • Twine: ferramenta gratuíta e de código aberto para facer ficción interactiva en forma de páxinas web.
  • Con código.
    • Godot: motor gratuito para xogos 2D e 3D (soporta GDScript, C#, and C++).
    • pygame: libraría para crear videoxogos con Python.
    • Unity: motor gratuíto para xogos 2D e 3D (soporta C#).
    • Unreal: motor gratuíto para xogos 3D (soporta C++).
  • Para incluír código en Qiskit (SDK para deseñar e executar programas en ordenadores cuánticos), podedes visitar este repositorio. A forma máis directa sería empregando pygame ou Unity (Quantum Computing Unity) para o desenvolvemento do xogo.

• Materiais cuántica:
  • Un documento con algúns conceptos básicos sobre computación cuántica: Guía cuántica

Contactos para máis información

Para máis información podedes contactar con: acandal@cesga.es ou afgonzalez@cesga.es