This jam is now over. It ran from 2021-03-02 09:00:00 to 2021-03-22 12:00:00. View 3 entries

Xa temos gañadores!

O xurado da game jam "Afonso X e Galicia" declarou por unanimidade gañador o xogo O mester, presentado por Carlos Balado e Pablo García de los Salmones. O xogo está concibido a partir da importante tradición musical das Cantigas de Santa María, converténdoa no elemento central do xogo ao propoñer duelos musicais entre personaxes do propio códice. O xogo conta con ambientación musical e visual moi coidada e toques humorísticos que o converten nunha proposta atractiva que permite amosar o potencial das Cantigas de Santa María para seren incorporados a formatos e linguaxes do presente.

O Mester by Pablo García de los Salmones, CarlosBalado (itch.io)

A game jam tamén recibiu outras dúas propostas: Decimus, de Xogon e Xurxo Diz, un xogo de dados, e Alfonso X y las cuatro cantigas, de macanaDEV, un xogo de plataformas en 2D. 

Presentación

O Consello da Cultura Galega (CCG) organiza a exposición “Afonso X e Galicia” na Igrexa da Universidade de Santiago de Compostela. O rico universo das Cantigas de Santa María, da Idade Media e do pensamento de Afonso X poden ser un excelente marco para ambientar e crear videoxogos.

O CCG, en colaboración con Videoxogo.gal (Asociación galega de videoxogos e contidos interactivos) organiza esta game jam para difundir este importante legado cultural en novos públicos e soportes.

Axenda

Martes 9 de marzo de 2021: 10:00 -  Comezo da Jam.  

22 de marzo ás 13:00 – Peche do prazo de envío de xogos a itch.io.

30 de marzo – Fallo do xurado e declaración do equipo gañador.

16 de abril – Entrega do premio.

 Tema da jam

A Idade Media, as Cantigas de Santa María coas súas innumerables historias e ilustracións, Afonso X e Galicia. Non é unha gran oportunidade de crear algo interesante? Podes atopar materiais de interese no web oficial da exposición: CCG - AXG (Afonso X e Galicia) (consellodacultura.gal)

Tamén podes seguir as nosas propostas e ideas (recollidas no códice das Cantigas de Santa María) para inspirarte no desenvolvemento no Twitter do @consellocultura,  no hashtag #axg - Busca de Twitter / Twitter ou no hashtag  #GameJamAXG #GameJamAXG - Busca de Twitter / Twitter.

 Condicións e requisitos

As condicións e requisitos para a participación na jam serán os seguintes:

  • Pode participar calquera persoa ou equipo sen restricións de ningún tipo.
  • A jam será 100% en liña.
  • Poderase empregar calquera motor para o desenvolvemento de videoxogos.
  • Os xogos poderán ser para Windows ou para navegador.
  • Cada participante só pode formar parte dun equipo.
  • Os equipos poderán estar formados por un máximo de tres membros.
  • Para o realización do xogo poderase reutilizar ata 1/3 do contido, tanto en activos (assets) como en código. O resto deberá ser desenvolvido durante a jam.
  • Os xogos deberán estar subidos á plataforma itch.io e deberán de poder ser instalados desde a súa app (https://itch.io/app).
  • Será obrigatorio subir o xogo e unha demostración do seu uso (gameplay) do devandito xogo en vídeo, como arquivo ou ligazón á plataforma de streaming onde se atope accesible (Youtube, Twitch, Mixer, etc.).
  • A propiedade intelectual de todo o contido creado para cada xogo será dos membros de cada equipo.
  • Os xogos participantes subidos a itch.io estarán habilitados para libre descarga por parte dos usuarios.
  • O Consello da Cultura Galega poderá difundir o videoxogo gañador dentro do contexto da exposición “Afonso X e Galicia” en todas as súas canles dixitais. 

Premios

  • Concederase un único premio consistente en 250 (DOUSCENTOS CINCUENTA) euros.

 Xurado

O xurado estará formado polos seguintes profesionais e académicos relacionados co sector do videoxogo e os contidos interactivos.

Mª Luz Castro Pena. Profesora da Universidade da Coruña, directiva de Videoxogo.gal, desenvolvedora de videoxogos e socia de imaxin|software  https://www.linkedin.com/in/luzcastro/

Carlos Pereiro. Xornalista, membro da Sección de Comunicación do Consello da Cultura Galega e editor da revista Morcego. revistamorcego.com

Manuel Gago. Xornalista, profesor asociado na Facultade de CC. Da Comunicación da Universidade de Santiago e director de culturagalega.gal, a plataforma de divulgación do Consello da Cultura Galega.

 Criterios que se empregarán para a valoración dos videoxogos

Orixinalidade e adecuación ao tema.

Deseño (narrativa, gameplay, niveis, UX, etc.)

Arte (aspecto gráfico e visual, arte 2D, 3D, etc.)

Programación / Técnica

Música / Son

Valoración xeral

 Código de honra e conduta

As persoas participantes comprométense a respectar e cumprir os requisitos establecidos para a participación na jam.

As persoas participantes comprométense a respectar as normas de convivencia en todos os foros de comunicación.

As persoas participantes comprométense á realización de xogos co fin de fomentar a súa creatividade respectando o dereito de autoría e reprodución de todos os compoñentes ou activos empregados para a realización dos xogos.

En ningún foro de comunicación nin nos xogos se tolerará ningún comportamento inapropiado, como pode ser a incitación á violencia, comportamentos irrespectuosos ou discriminatorios de calquera tipo. Tampouco se permitirá o uso destes foros con fins comerciais ou publicitarios de ningún tipo.

O incumprimento por parte dalgún dos participantes ou equipos dalgún dos puntos deste código implica a expulsión directa da jam e dos seus foros.

All submissions
·
Browser playable (2)
·
Windows (1)

No submissions match your filter

Derrota ós demos que afastan á xente da catedral co poder do teu laúde e as cantigas de Santa María.
Puzzle
Play in browser
Xogo de dados retromedieval
Play in browser
Juego de plataformas en 2d sobre Alfonso X el sabio
Platformer