itch.io

اوكي شكرا بس ما كنت متعمد اقارنهم انا بس ذكرتهم جمب بعض كامثلة على كم نظام لعب مناسب للفيجول نوفل ويوتيوبرز لايف جت على بالي ف كتبتها مع الباقين

هههه لا داعي لا داعي (والله تعبت وانا اكتب😅), بالنسبة للعب اتفهم انك اخترتي الفيجول نوفل لانك اساسا بغيتي تبدين بداية بسيطة وحليوة وماتعقدين الامور بالبداية وان خلط القصة مع اللعب لازم له شوي خبرة بالبرمجة ووقت وجهد والخ الخ, بس عادي خذي وقتك وراحتك بالنهاية شغلك الاساسي مو صنع الالعاب القصصية اوالغير قصصية (في الوقت الحالي) اهم شي باذن الله اذا قررتي تسوين لعبتك الجاية بتطلع بالصورة اللي تبيها وبس والله

القصة: القصة بصراحة حلوة يعني انا دايما كنت ما افهم ليش الناس تتاثر بسهولة بالتعليقات السلبية والسب والشتم والخ يعني اليوتيوبر بالنهاية عنده كامل الحرية بكيفية التعامل مع اشياء زي كذا ويقدر يعطي بلوك للناس اللي تعلق تعليقات جارحة ويريح نفسه بس مافكرت باشياء مثل الادمان على قراءة التعليقات وعدم مقدرة الشخص احيانا على انه يتجاهل هذي الكلمات وسالفة انو التعليقات هي المصدر الوحيد للتشجيع والمدح لكثير من اليوتيوبرز وكيف انتي وتيكي صارحتم بعض عن هذا الشي وكيف انه مشكلة صعبة لدرجة انكم مالقيتو حل لها ونصحتيها بانها تتعايش مع الوضع وتحاول تلقى السعادة باي شي مو شرط التعليقات, يعني باختصار كانت اشياء جديدة بالنسبة لي وطريقة القاءها وتطبيقها على شكل قصة كانت جيدة جدا بالنسبة لاول لعبة لك

العيوب في القصة انها قصيرة مرة مدتها بالقوة نص ساعة ومافيها كثير شخصيات يعني بس انتي وتيكي ومافي غيركم, شخصيات ثانية غير هنادي وتيكي ممكن يضيفون للقصة اذا كانت شخصيتهم فيها اشياء مثيرة للاهتمام تاثر على القصة وتخليها اطول واحسن وفيها تفاصيل اكثر, خاصة انو عندك شخصيات على الانستغرام واليوتيوب مثل هنادي الشريرة وذيك البنت اللي تحب تطبخ حلويات نسيت اسمها ومازن الولد اللي يشتغل بمحل العاب, هذي الشخصيات وغيرهم ممكن يكونون اضافة حلوة للقصة اذا كانو مضبوطين وما فيهم ثغرات في شخصيتهم والاحداث المتعلقة فيهم ويعني حتى لو بعض هذول الشخصيات مايضيفون للقصة على الاقل خليهم يضحكون او يكون وجودهم والتحدث معهم يغير جو والخ, ونقطة ثانية نصيحة خلي شخصية هنادي تطلع برة البيت في اللعبة الجاية (ماطلعت برا البيت في هذي اللعبة كلها خليها تلمس العشب شوي لول) علشان مثلا تغير جو او تروح تروق جمب البنت حقت الحلويات او تشتري لعبة من مازن وكذا يعني , وفكرة ثانية علشان تخلي الطلعة برة البيت او اي فعالية ثانية ممتعة اكثر هي انك تخلي شوي لعب بسيط بين فترة وفترة وعلى طاري اللعب:

اللعب: انصحك تخلي شوي لعب في اقسام معينة من اللعبة علشان اللاعب يكون عنده شي يركز عليه ويستمتع فيه غير قراءة الكلام لان اغلب اذا مو كل الالعاب الناجحة من هذي النوعية (الفيجوال نوفل) فيها نوع من اللعب اللي يتطلب شوي تركيز, ونقطة مهمة هي انو يكون اللعب فيه صعوبة مو لازم صعوبة تعجيزية ولكن صعوبة بدرجة مناسبة تخلي اللاعب يحسن من نفسه علشان يعدي المرحلة, امثلة على العاب تسوي هذا الشي او العاب فيها نظام لعب واحد ولكن مناسب جدا لان يكون في فيجوال نوفل:

Dangonronpa, doki doki literature club, the murder of sonic the hedgehog, warioware. youtuber's life

حياة اليوتيوبر فيها نظام لعب تسوين فيها فيديوهات فا هالشي مناسب اذا شخصيتك في اللعبة القادمة يوتيوبر زي شخصيتك في هذي اللعبة وتقدرين تسوين نظام لعب يخلي اللاعب يصنع الفيديو بنفسه بس اتوقع هذا الشي معقد بزيادة فا تقدرين تسحبين عليه

واذا تبغين تقدرين تخلين نظام اللعب مجرد بلاتفورمر او قفز على المنصات زي ماريو زي سونيك زي هذي الحاجات الحلوة

على فكرة واريو وير مو فيجوال نوفل بس نظام اللعب حقها اشوفه مناسب جدا اذا بغيتي تستعملينه للعبتك القصصية القادمة فاا يب

اما دانقانرونبا فيها كل شي من اللي ذكرته انواع مختلفة من اللعب ومناسبة للعبة فيجوال نوفل واتوقع اذا ما خاب ظني كمان فيها زوايا تصوير مختلفة اتوقع والله مدري ما لعبتها والكل يمدحها ف اشوف انها مصدر الهام مثالي

الموسيقى: انا شخص ذوقه في الموسيقى نوعا ما سهل ف اشوف انو الموسيقى في اللعبة حلوة مرة ثانية بالنسبة لاول لعبة لك واشجعك للاستمرار وتحسين مهارتك في استوديو الجزرة

الرسوميات: اول شي خطوة حلوة انك استخدمتي ماين كرافت حتى تصنعي الخلفيات بس العيب الوحيد في الخلفيات في هذي اللعبة هو انه اشكال الاشياء فيها زي الكرسي او السرير بسيطة جدا يعني الكرسي مثلا مكعبي بزيادة وشكله زي الزاوية القائمة وما فيه مثلا انحناء للخلف من الاعلى علشان الظهر يتكي عليه ويرتاح زي كذا وكمان الدُرج (اتوقع؟) الخشبي اللي جمب السرير حقك قسما بالله ما اعرف ايش موقعه من الاعراب شكله وكانه بس مجرد خشبة مستطيلة ما تعرف ايش فايدتها 😂 اوكي اسف على الطقطقة بس المهم مرة ثانية ماطلبت خلفية اسطورية مليئة بالتفاصل الخلابة او اي شي من هالخرابيط, فقط تفاصيل اكثر على اشياء مثل الكرسي, الحاسوب او الدسكتوب حقك, البساط او السجاد الخ, لان بهالطريقة الخلفيات راح يصير شكلها احلى اكيد وكمان انصحك ترسمين اشكال واجسام الشخصيات وتعابيرهم من الصفر بدون الاعتماد على موديل الشخصية الجاهز لان هالشي راح يعطي رسماتك في اللعبة اهمية وقيمة اكثر شكليا واكيد راح يخلي شكلها احلى واكثر حيوية وانا متاكد انو الرسمات راح تكون ممتعة بصريا, وكمان انصحك ترسمين زوايا رؤية مختلفة للغرفة نفسها على حسب اللي جاي يصير في القصة يعني مثلا اذا هنادي توها قامت من النوم خلي زاوية الرؤية على السرير بدال الغرفة كاملة وطبعا هنادي تكون مرسومة وهي تقوم من السرير واطار واحد من هنادي وهي تقوم من السرير يكفي ما يحتاج تسوين انميشن, اذا في شي ما مفهوم بس تذكري لعبة دوكي دوكي نادي الادب وشوفي كيف فيه زوايا رؤية مختلفة على حسب ايش قاعد يصير في الاحداث يعني مثلا زاوية التصوير اللي تصير لما الشخصية الاساسية ويوري يجلسون جمب بعض علشان يقرون كتاب مع بعض يعني زي كذا, انتي ما تستسلمين انتي رسامة رهيبة تقدرين تبدعين في الخلفية والشخصيات انا واثق من هالشي 👍✌

وشي اخير: انصحك تترجمين اي لعبة تسويها للغة الانكليزية لان اغلب الناس اللي يستعملون الموقع هذا اجانب ويتكلمون انكليزي وعلشان ناس اكثر بشكل عام يلعبون لعبتك مو بس العرب, والانكليزية حقتك مو سيئة الصراحة بس اذا ماتبغين تترجمين بنفسك وتبغين احد يسويها ببدالك ف انا ممكن اسوي هالشي عنك لان الانكليزية حقتي اشوفها ممتازة ف اذا بغيتي ممكن ارسلك الايميل حقي او اي شي علشان اترجملك

اسف على الجريدة المطولة وشكرا على القراءة, بالتوفيق!